|
ҲАЗОРАТЛАР КУРАШИНИНГ ТУРЛАРИ
Фикрий кураш
Ислом билан мавжуд куфр ҳазоратлари ўртасидаги фикрий кураш воқеий ҳақиқат бўлиб, мусулмонлар зиммасидаги фарздир. Бунда кофирлар курашни биринчи бошлаши шарт қилинмайди. Расулуллоҳ с.а.в. бундай курашни давлат тикланишидан илгари, Маккадаги даъват махфийлик давридан ўтгандан кейин бошладилар. Ушбу ҳолат бугунгача давом этиб келди ва Аллоҳ хоҳлаганича давом этади. У айрим одамларга ноаниқ бўлиб турган бўлса ҳам, аслида жуда аниқ нарсадир. Миллатлар ва динлар ҳақидаги китоблардан хабардор киши буларда мусулмонлар билган ҳар бир фикрлар билан фикрий курашга киришганини топади.
Ғарб ҳазорати билан Исломий ҳазорат орасидаги ушбу кураш турли услубларида намоён бўлади. Хусусан:
1. Матбуот воситаларига ҳукмрон бўлиб олиш ва уларни капиталистик ҳазорат хизматига йўналтириш;
2. Ғарб тушунчаларини ёйиш, Исломий ҳазорат тушунчаларининг айримларини хунуклаштириш, уларга қарши курашиш ва мусулмонлар тарихини сохталаштириш учун таълим дастурларига тўлиқ ҳукмрон бўлиб олиш;
3. Ғарбликлар бевосита назорат қиладиган мактаблар ва олий ўқув юртларини барпо этиш;
4. Ғарб ҳазоратини қабул қилиб, унга даъват қиладиган, Ғарб ва унинг илғор мўътадил дўстлари ҳимоя қиладиган ҳизб (партия)ларни пайдо қилиш;
5. Сара қатлам, зиёли ва муфаккир деб номланувчиларга алоҳида эътибор қаратиб, улар фаолиятини ёритиш ва Исломий юртларда фикр етакчиларига айланишлари учун уларни машҳур қилиш;
6. Ғарбга фикрий, сиёсий ёки хавфсизлик соҳасида малай, яъни жосус бўлишга яроқли шахсларни танлаб олиш учун турли хил тадқиқот ва маърифий ўқув дастурларига маблағ (стипендия) ажратиш;
7. Ғарбнинг заҳри қотилини тарқатиш йўлида муассасалар, клублар ва махсус марказлар ташкил қилиб, уларни ҳеч бир чекловсиз маблағ билан таъминлаш;
8. Араб тилига қарши курашиш, ажам тилларини жонлантириш, миллатчилик ва ватанпарварлик туйғуларини алангалатиш.
Манфаатлар учун кураш номли нарса ҳам аслида изидан фикрий кураш келиб чиқадиган фикрий ихтилофга асосланади. Манфаатлар устидаги кураш баъзан ҳарбий тўқнашувгача етиб боради. Ҳарбий курашиш қувватига эга бўлмаган кучсиз вужуд манфаатлар курашига сиртлон ёки чиябўри шернинг ўлжасига яқинлашганича яқинлашиши мумкин. Манфаатлар устидаги бундай кураш икки турли хил ҳазорат ўртасида бўлиши мумкин, шунингдек, бир хил ҳазорат вакили бўлмиш
32-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54